An Spidéal – má tá eolas ag teastáil uait faoin áit, níl áit is fearr le teacht air ná an suíomh seo – do chéad fáilte isteach!
Tugtar eolas ar an suíomh seo ar obair Chomhlacht Forbartha an Spidéil mar aon le heolas ginearálta faoin Spidéal agus cur síos ar imeachtaí atá ar siúl sa gceantar. Tá eolas anseo freisin faoin bhforbairt pobail sa Spidéal san am atá caite agus faoi na pleananna atá againn don am atá romhainn.
Níl an suíomh seo ach ina thús. Tá rún againn é a mhéadú agus a fheabhsú de réir a chéile sa gcaoi gur áis chuimsitheach eolais agus phoiblíochta a bheas ann do mhuintir an cheantair agus do dhaoine ón taobh amuigh. Má cheapann tú gur cheart aon cheo a chur leis an suíomh seo nach bhfuil air faoi láthair, ná bíodh drogall ort é sin a chur in iúl dúinn – beidh fáilte roimh do chuid moltaí i gcónaí!
Agus má theastaíonn uait fógra a chur ar an suíomh seo faoi ócáid ar bith atá le tarlú sa Spidéal nó a bhfuil baint aige leis an gceantar, déan teagmháil linn agus cuirfidh muid ar an suíomh é gan mhoill.
